O Festival de Cans contará coa actuación do Gran Wyoming e cun coloquio do cineasta Rodrigo Sorogoyen

O Festival de Cans contará coa actuación do Gran Wyoming xunto aos Insolventes e cun coloquio no que participará o cineasta Rodrigo Sorogoyen, que este ano gañou os premios Goya á mellor película, ao mellor director e ao mellor director.

Festival de Cans / © Miguel Nuñez

O Festival de Cans contará coa actuación do Gran Wyoming xunto aos Insolventes e cun coloquio no que participará o cineasta Rodrigo Sorogoyen, que este ano gañou os premios Goya á mellor película, ao mellor director e ao mellor director.

Segundo trasladaron os organizadores do evento, que foi presentado este martes no Porriño, o director madrileño abordará as súas creacións no coloquio no Espazo Estrela Galicia da Leira de Alicia. A súa curta ‘Madre’, nomeada aos premios Oscar, proxectarase xunto a ‘Timecode’, de Juanjo Giménez.

Ademais, xa están á venda desde 3 euros as entradas para ExtraCans, un ciclo no que se proxectarán curtos de cineastas de Suíza, Cuba, Armenia e Estados Unidos. No marco internacional do evento, tamén se incluirán unha retrospectiva a Hannes Stöhr e pezas de Paulo Furtado e Pedro Maia.

Na sección Ultravioleta incluiranse filmes realizados con perspectiva feminista, unha aposta que tamén se reflectirá no decálogo de visibilidade das mulleres de Cans e nas actuacións musicais do Escenario Fundación SGAE.

ACTUACIÓNS MUSICAIS

A parte musical contará, ademais de con o Gran Wyoming e Los Insolventes, con actuacións de Aries, Dakidarría, Patricia Moon, Raiceira, MJ Pérez e Su Garrido Pombo.

A sección Fillas e fillos de Cans permitirá que os asistentes poidan ver imaxes inéditas de filmes dos directores participantes que aínda non foron estreados. Entre eles atoparanse o documental ‘Beiras. Vivir 2 veces’, de Jorge Coira, e ‘El Santa Isabel’, de Paula Cons.

Na Sección Oficial a Concurso participarán directores que xa asistiron en máis ocasións ao festival, como Sandra Sánchez, Fran X. Rodríguez, Pedro Sancho, David Fidalgo Omil e Borja Santomé, xunto a figuras emerxentes, como Nacho Ozores, Lucía Estévez, Noelia Muíño e Aldara Pagán.

Tamén se celebrarán encontros, como ’20 anos de Mareas Vivas’, con actores como Camila Bossa, Víctor Mosqueira e Miguel de Lira, ‘Proxecto Orballo’ e ‘Pioneiras e Pioneiros’.

XURADO

Así mesmo, o Xurado de Ficción e Animación estará composto polas actrices Cris Iglesias e Melania Cruz, os cineastas Andrés Goteira, Alberto Vázquez, Zaza Ceballos e Juanjo Giménez; e o músico Xosé Manuel Budiño. Mentres, os encargados das deliberacións na sección de Non-Ficción serán os cineastas Xacio Baño e Liliana Torres e a xornalista de Radio France International Isabelle Lle Gonidec.

Os xuíces da sección de Videoclips serán o realizador e músico Carlos Alberto Alonso, a cantante e compositora Patricia Moon e o músico e realizador Paco Serén. Os xurados tamén se completarán con veciños de Cans.

O programa Cans Participa fomentará a creatividade e a aprendizaxe mediante a actividade CanSonoro, rutas cinéfilo-literarias e Cans do Futuro, na que se achegará aos nenos ao vestiario, a dirección de fotografía e a montaxe a través de profesionais como Alicia Saturna, Lucía C. Pan e Diana Toucedo. Os máis pequenos tamén poderán participar en MiniCans, un programa que contará con música e talleres.