Un veciño de Vigo faleceu nunha leira particular da súa propiedade na parroquia de Candeán cando traballaba nunhas colmeas, aínda que fontes policiais precisaron que todo apunta a unha morte natural.
Os feitos ocorreron na noite deste luns, cando foi mobilizado o 061 para acudir á leira. O persoal sanitario non puido acceder debido á proximidade do home ás colmeas, xa que non dispoñía do equipamento adecuado, por iso, desde o 112 Galicia, deuse aviso aos bombeiros de Vigo, que puideron entrar coa vestimenta adecuada para recoller o corpo.
Así mesmo, tamén se alertou á Policía Nacional, que informou de que a principal hipótese é que o home, duns 60 anos, falecería por causas naturais. Cando foi localizado, levaba vestida roupa de protección para traballar nas colmeas.
