InicioMedio Ambiente e PatrimonioAnimalistas acusan a VigoZoo de "almacenar animais en mal estado, sen recuperalos"

Animalistas acusan a VigoZoo de “almacenar animais en mal estado, sen recuperalos”

PUBLICADO O

- Advertisement -

Catro meses despois do rexistro da Iniciativa Cidadá sobre o parque zoolóxico de Vigo por parte da Asociación Animalista Libera e da Fundación Franz Weber, “o goberno local non iniciou o expediente administrativo, incumprindo o seu propio Regulamento Orgánico de Participación Cidadá”, segundo aseguran as asociacións.

Os animalistas mostráronse moi críticos co proceder do Concello, ao entender que “se bloquea de forma interesada unha proposta que suscitaba a suspensión das actividades non educativas nas instalacións da Madroa, como son os aniversarios, que se continúan ofertando na páxina web do zoo”.

FFW e LIBERA! consideran que estas prácticas, “non pedagóxicas”, son contraproducentes, e serven para transmitir a imaxe e o traballo do parque como un suposto espazo conservacionista e que mantén entre a súa “colección” a varios animais provenientes de  actuacións contra o tráfico de especies, “aos que se somete a actividades de lecer que nada teñen que ver cun suposto centro de recuperación”.

Captura carpeta electrónica/ Libera!

O seguinte paso dos defensores dos animais será acudir ao Valedor do Cidadán, ao entender que se están vulnerando os seus dereitos políticos e a normativa local sobre participación veciñal.

Neste senso, os colectivos sinalaron “a necesidade de que Vigozoo transite cara a un novo modelo”, como levan insistindo nos últimos anos con proxectos similares noutras latitudes, como ZOOXXI, o xerme dunha iniciativa popular na cidade de Barcelona que “reconverterá” as instalacións da cidade condal nun verdadeiro recinto para rescatar e recuperar animais.

A Asociación Animalista Libera e a Fundación Franz Weber queren “fuxir da dinámica dun lugar que unicamente almacena animais en mal estado, sen ningún tipo de valor engadido e organizando aniversarios como forma de recadar diñeiro”.

ÚLTIMAS

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...