A CGT prometeu concentracións fronte ao Hotel Bahía durante O Mariquiño, en protesta polo despedimento de 20 camareiras de pisos, e cumpriu a súa palabra. Este venres comeza o festival de deporte e cultura urbana, e acudiron ao Hotel Bahía para amosar o seu descontento á sociedade viguesa.

Mais o que quizais non esperaban era o sonoro recibimento por parte do hotel, que con música a todo volume tentou “tapar” as voces dos alí presentes. Ao final, queda claro que o conflito entre o establecemento hostaleiro e sindicatos e traballadores será notorio durante toda a fin de semana.