A xuíza de instrución número 7 de Vigo ditou auto no que acorda o arquivo da causa por supostos abusos sexuais labores por quen foi director do Colexio Labor de Vigo, Sergio S.C., dado que os feitos denunciados producíronse, como moi tarde, en 2010, e o delito estaría prescrito.

No entanto, a maxistrada acordou dar traslado á Unidade de Familia e Atención á Muller (UFAM) da Policía Nacional co fin de que tomen as medidas oportunas para protexer aos menores dese colexio, pola existencia de “unha pluradlidade de mulleres afectadas” e tendo en conta que Sergio S.C. “puidese seguir formando parte” do equipo directivo do centro.

As denuncias presentáronse despois de que a artista Lolita Watson fixese públicos en redes sociais supostos episodios de abusos sexuais por parte do director do colexio cando ela tiña uns 10 anos. A partir dese momento, outras mulleres sumáronse ás denuncias públicas e, ademais de pór os feitos en coñecemento do xulgado, iniciaron unha campaña en change.org para que o Concello de Vigo retirase ao centro o recoñecemento de ‘Vigués Distinguido’.