InicioSociedadeO PXOM poderá consultarse no Auditorio Mar de Vigo desde este mércores

O PXOM poderá consultarse no Auditorio Mar de Vigo desde este mércores

O trámite da exposición pública prolongarase durante tres meses.

PUBLICADO O

O Plan Xeral de Ordenación Municipal (PXOM) da cidade olívica poderá consultarse no Auditorio Mar de Vigo desde este mércores, cando comezará o período de exposición pública despois de que este venres se remitise para a súa publicación no Diario Oficial de Galicia (DOG).

En rolda de prensa, o alcalde, Abel Caballero, indicou que este luns se publicará un anuncio da aprobación inicial do plan de urbanismo en distintos medios de comunicación e avanzou que o trámite de exposición pública prolongarase durante tres meses a pesar de que o prazo legal estipulado son dous “para que se faga sen prema”.

Deste xeito, poderá accederse ao documento a través da páxina web municipal, á vez que se dotará ao Auditorio Mar de Vigo de medios telemáticos para que poida consultarse desde este lugar. Así, o rexedor indicou que a planta baixa do edificio estará aberta en horario de 9,00 a 14,00 horas de luns a venres para que a cidadanía poida resolver as súas dúbidas co equipo redactor e técnicos municipais.

Ademais, explicou que a entrada a estas instalacións será libre, pero se algunha persoa precisa de apoio dun técnico municipal para interpretar o plan deberá solicitar unha cita previamente de modo telefónico. En canto á presentación de alegacións ao documento, Abel Caballero sinalou que poderán remitirse de modo telemático, aínda que tamén se habilitará un rexistro auxiliar no local do auditorio.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...