InicioPolíticaAbel Caballero non estará en presentacións oficiais dos candidatos a primarias do...

Abel Caballero non estará en presentacións oficiais dos candidatos a primarias do PSdeG: “O meu tempo é limitado”

Sinala que xa coñece "que van dicir" ambos os dous candidatos.

PUBLICADO O

- Advertisement -

O alcalde de Vigo, Abel Caballero, avanzou que non asistirá a presentacións oficiais dos dous candidatos á Secretaría Xeral do PSdeG, Gonzalo Caballero e Valentín González Formoso, por atoparse en “un momento moi atareado” en relación á súa axenda institucional. “O meu tempo é limitado”, resaltou.

Así se manifestou preguntado tras unha rolda de prensa celebrada en Vigo, onde precisamente este venres o actual xefe de filas dos socialistas galegos presentará a súa candidatura á reelección no marco do proceso de primarias do PSdeG.

O rexedor olívico explicou que “seguramente non vaia a asistir a ningunha (das presentacións) dos dous” candidatos. “O meu tempo é limitado e teño que levar adiante unha cidade”, xustificou Abel Caballero, que recalcou que, en todo caso, “xa coñece cal é a posición” de González Formoso e o actual secretario xeral do PSdeG e “que van dicir” nos actos previstos no marco da carreira polo liderado da formación a nivel autonómico.

“Eu coñezo aos dous candidatos e sei cal é a súa perspectiva política”, afirmou o alcalde, que considerou que acudir aos actos das súas candidaturas “non lle achegaría máis coñecemento do que xa ten”. Tras sinalar que non asistirá á presentación que realizará Gonzalo Caballero este venres na urbe olívica, apuntou que “seguramente” na que leve a cabo o actual presidente da Deputación da Coruña en Vigo “tampouco estará”. “En termos de cortesía estaría, pero cólleme nun momento atareado”, insistiu.

ÚLTIMAS

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...

Concello de Vigo e BNG cualifican de “estafa” a Vigo a compra do teatro Fraga

Unha hora despois de que Xunta, Abanca e Deputación de Pontevedra mercaran o histórico...

En busca e captura dous homes que atracaron cunha arma corta un local de hostalaría de Vigo

Buscan a dous homes que atracaron na madrugada deste venres cunha arma corta un local...

O BNG lanza unha ofensiva para evitar a “estafa do PP” de pagar a Abanca 9,3 millóns polo Cine Fraga

O BNG lanzou unha ofensiva institucional para evitar a "estafa do PP" de pagar a Abanca...