InicioCulturaO Festival de Cinema Inclusivo proxectará oito curtametraxes dirixidas a público familiar

O Festival de Cinema Inclusivo proxectará oito curtametraxes dirixidas a público familiar

As proxeccións perseguen inculcar valores como a tolerancia ou a conciencia ambiental.

PUBLICADO O

- Advertisement -

O Festival de Cinema Inclusivo de Vigo, que se celebrará entre os próximos 12 e 16 de outubro, incluirá a proxección de oito curtametraxes dirixidas a un público familiar para inculcar valores positivos nos nenos.O evento incorporou unha sección familiar na programación da edición deste ano para aproximar o cinema a todos os públicos,  segundo indicaron os organizadores.

Deste xeito, o Museo de Arte Contemporánea (Marco) de Vigo acollerá a proxección de oito curtametraxes para fomentar o interese polos produtos audiovisuais entre os nenos o próximo 16 de outubro a partir das 12,00 horas. O acceso á actividade será de carácter gratuíto e realizarase por orde de chegada ata completar a capacidade.

Ademais, os filmes que se poderán visualizar abordarán distintas temáticas, como o respecto pola natureza e os animais, as desigualdades, os complexos e os celos. Así, búscase inculcar valores nos nenos como o traballo en equipo, a tolerancia e a conciencia ambiental.

En concreto, as curtametraxes que se proxectarán serán: ‘Morgan, la orca valiente’, de Marcos Martín Muñoz; ‘Nacer’, de Roberto Vale; ‘Oddity’, de Anna Juesas García e Germán Chazarra Moreno; ‘Packing a wave’, de Edu Glez; ‘Reflejo’, de Juan Carlos Mostaza; ‘Refugio’, de Juan Antonio Moreno; e ‘Roberto’ de Carmen Córdoba González.

ÚLTIMAS

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...

O cidadán “exemplar” de Vigo: entrega á Policía 400 euros que atopou no caixeiro

Un cidadán entregou á Policía Nacional 400 euros que atopara na rañura dun caixeiro...

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...