CGT denuncia “falta de prazas” e pide un aumento de trens no eixo atlántico

O sindicato advirte que Renfe aínda mantén suspendidos trens que circulaban antes da pandemia.

Un tren de Renfe.. RENFE

CGT denuncia “falta de prazas” os venres e domingos debido á demanda de estudantes e tamén “á primeira hora da mañá” entre Vigo e Santiago/A Coruña, polo que pide un aumento de trens no eixo atlántico. Para iso, o sindicato remitiu unha carta ao xerente do servizo público de Renfe Viaxeiros na que solicita un aumento dos servizos ferroviarios.

En concreto, refírese a situacións como as derivadas da demanda de estudantes, a apertura do centro comercial de Vialia na estación de Urzaiz o próximo día 30 e o incremento previsible tamén de face ao Nadal polas luces que se instalan na cidade olívica.

E é que, segundo advirte CGT, Renfe “aínda mantén suspendidos trens que circulaban antes da pandemia”.

DEIXAR UN COMENTARIO

Please enter your comment!
Please enter your name here