O presidente da Xunta, Alberto Núñez Feijóo, enxalzou o traballo de visibilización pola prevención e detección do cancro de mama do programa Reto Pelayo Vida Polar 2021.

O mandatario autonómico visitou este mércores aos cinco participantes da sétima expedición ao Círculo Polar Ártico, que parte este venres de Vigo en dirección a Groenlandia. Alí, Feijóo desexou sorte á tripulación tras mostrarlles a súa admiración polo seu traballo pola prevención do cancro de mama e a promoción da práctica deportiva.