A Escola Superior de Arte Dramática de Galicia (ESAD), situada en Vigo, foi admitida no Instituto Internacional de Teatro -organización vinculada á Unesco-, de modo que “se converte na única escola de arte dramática do Estado representada” nesta organización.
Así o comunicou a institución galega, que explicou que o proceso de admisión do centro galego iniciouse hai máis dun ano e se enmarca no traballo de proxección exterior realizado a través de diversas iniciativas, como o programa de intercambio Erasmus+.
A ESAD remarcou que busca “a integración das artes escénicas en todos os niveis da educación” e “defende un financiamento adecuado“. Neste marco, subliñou que entende o teatro “como unha ferramenta de construción e desenvolvemento de comunidades máis xustas e asertivas” que ademais “coida a preservación do patrimonio material e inmaterial”.
Segundo indicou, coa súa adhesión ao Instituto Internacional do Teatro, pasa a ser “de facto a representante de España”, xunto ao Instituto de Danza Alicia Alonso-integrado na Universidade Rei Juan Carlos-, nos encontros internacionais que celebra anualmente a organización internacional. O próximo evento celebrarase en Dubai en 2022.
