A Policía Local detivo a A.G.L., varón de 41 anos de idade, natural e veciño de Vigo, por un presunto delito de violencia de xénero. Ás 07:45 horas deste venres, axentes da Policía Local de Vigo trasladáronse a un domicilio da rúa Torrecedeira, onde e desde unha vivenda, unha muller gritara “auxilio, chamen á Policía”.

A alerta dérona os veciños, quen presuntamente escoitaron unha discusión de parella e á muller que dicía : “Non me pegues”. Rapidamente os axentes trasladáronse ao lugar, chamando á porta da vivenda desde a que se pediu axuda.

Unha muller -moradora da casa- informou aos Policías de que a súa parella lle quitou o móbil “e cando ela lle pediu que llo devolvese, el empuxouna e abofeteou, causándolle unha lesión no beizo“; lesión que os policías puideron observar.

Indicou así mesmo, que “as discusións coa súa parella son habituais pero que ultimamente se volveu máis agresivo”. Os feitos determinaron a detención de A.G.L., pola comisión dun presunto delito de violencia de xénero.