Máis de 400 persoas participaron este domingo en Vigo na carreira solidaria organizada polo Centro de Estudos Superiores Aloya, co obxectivo de recadar fondos para o proxecto de construción da residencia de Aspanaex no antigo centro de especialidades de Coia.

O alcalde de Vigo, Abel Caballero, acompañado polo concelleiro socialista, Anxo Rivas, animou aos corredores ao comezo do percorrido na entrada do centro educativo e felicitou aos responsables de ambas entidades pola organización desta iniciativa que fomenta a inclusión social das persoas con discapacidade intelectual.

Os participantes percorreron cinco quilómetros polas rúas Marqués de Alcedo, Venezuela, Gran Vía, Urzáiz, Colón, García Barbón, Isaac Peral, Arenal, Praza de Compostela, García Olloqui e As Avenidas, para finalizar o seu percorrido na Praza do Nadador, no Náutico de Vigo.

Ao término da proba tivo lugar a entrega de premios aos gañadores das diferentes categorías e realizouse un sorteo de agasallos doados por diferentes entidades colaboradoras.