O San João de Braga chegou a Galicia esta fin de semana cunha acción promocional que chamou a atención dos transeúntes do centro histórico de Vigo. Máis de 40 figurantes encheron as rúas viguesas e deron outra cor á fin de semana da maior cidade da Galiza, transmitindo a alegría das festas a quen por alí pasaba.
“Conseguimos dar unha boa mostra do entusiasmo que se vive nas festas do San João de Braga. Esta iniciativa xorde tamén coa intención de ir afirmando a maior festa popular de Portugal internacionalmente“, afirmou o Presidente da Asociación de Festas de San João de Braga, Rui Ferreira.
Para Rui Ferreira, a deste sábado foi unha oportunidade para mostrar o carácter animado da Maior Festa Popular de Portugal: “As festas do San João de Braga ofrecen case dúas semanas de constante entretemento a quen as visite, e esta foi unha boa maneira de demostrar aos galegos que vale a pena visitar Braga nesta altura do ano”.
O Cortexo Sanjoanino percorreu este sábado varias rúas do centro histórico de Vigo, e foi animado polos característicos cabezudos e xigantóns da Asociación Cultural e Artística “Ida e Volta” e polas cores dos traxes prestados polo Grupo Folclórico da Universidade do Miño.
