A Policía Local de Vigo procedeu á detención esta fin de semana de R.V.L, varón de 18 anos de idade, nado e domiciliado en Vigo por agresión e tentativa de roubo nun establecemento.

Ás 13:15 horas do sábado día 26/05/2018, os axentes desta Policía Local foron comisionados pola Central de Información e Mando, para que se dirixisen a un bazar situado na rúa Urzaiz onde ao parecer un mozo agredira a dúas persoas.

Unha vez no lugar, os actuantes entrevistáronse co responsable do establecemento, quen
manifestou que pouco antes un raparigo entrou no local reclamando que se lle reintegrase o importe dun produto que adquirira nese lugar (uns días antes) ou se lle cambiase por outro produto. O varón, como non presentaba ticket ou justificante de devandita compra, foi informado que non era posible a devolución, motivo polo que se iniciou unha discusión entre ambos.

as vítimas foron trasadadas a un centro médico

Nun momento dado R.V.L colleu diversos produtos do mostrador expositor (rotuladores e outros produtos) intentando fuxir á carreira, sendo suxeitado polo solicitante, pero o mozo comezou a golpearlle con patadas e puñetazos, o que fixo intervir á nai e esposa do responsable do establecemento (que se atopaban no lugar) para separar a ambos, pero elas tamén resultaron agredidas.

O agresor abandonou posteriormente o local en dirección á rúa Portela sen conseguir levarse os efectos. Os Axentes procederon a visionar todo o ocorrido nas grabaciones que posúe o bazar, nas que se podía ver claramente o intento de sustracción dos efectos do mostrador, así como as agresións.

Ao lugar acudiu unha ambulancia para a asistencia sanitaria das dúas mulleres e o varón
agredidos, sendo trasladados posteriormente a un centro médico, debido ás lesións sufridas.

A continuación os actuantes realizaron unha busqueda polas proximidades, localizando na Praza de José Campos Perez ao autor dos feitos, quen de forma espontánea manifestou que efectivamente acudira á tenda a reclamar o cambio dun articulo, sen que lle solucionaron o problema. Entón os axentes procederon á detención de R.V.L.