A Xunta executa labores de limpeza e conservación nos regatos de Chans e Rial, ao seu paso polas parroquias viguesas de Bembrive e San Andrés de Comesaña.
Tal e como trasladou a Consellería de Infraestruturas e Mobilidade nun comunicado, actuarase entre o tramo interurbano do regato de Chans, que comprende a zona situada entre a rúa homónima e a de Senra.
Deste xeito, rozarase o tramo inferior máis próximo á rúa Senra e retiraranse dúas árbores caídas na zona pola que discorre o río. Ademais, actuarase sobre o regato Rial no lugar do mesmo nome. En concreto, retiraranse dúas árbores caídas e outro seco por un perigo de caída ao río.
Así, búscase facilitar a circulación dos regatos mediante o programa de mantemento, conservación e mellora do dominio público hidráulico da zona sur da comunidade que desenvolve Augas de Galicia.
