A música, e o arte en xeral, sempre terminan por regresar ás súas orixes. E xa poden aparecer o dubstep, o trap, ou o seguinte que veña, que os estilos primixenios nunca morren. Así, este domingo de marzo pola noite a sala Rouge de Vigo encheuse de verdadeiros fans para desfrutar coa chegada de Mr Sipp e os seus ritmos do demo.
“Mr Sipp é un dos mellores bluesman dos últimos anos, gañador de innumerables premios, Na sua música atoparás Soul, Funk ou R&B, pero sobre todo respeto polo Blues Tradicional, sempre incorporando a rabia e a enerxía do novo Blues máis eléctrico”, subliñan desde River Bucks Asociación Cultural, os encargados deste ciclo que continuará o venres 15 con Tail Dragger.
Mr Sipp procede de McComb (Mississippi) e gracias á sua constante dedicación a música, convertiuse nun gran guitarrista, compositor e productor musical. Estivo arropuado pola sua propia banda na que foi unha das grandes noites do “Mais Que Blues” 2019, e unha data única en Galicia, en exclusiva para a cidade olívica.
Desde as 21:00 horas que comezou o show, en todo momento contactou co respectable, cercano e atento, a un palmo dun público maior de idade que era quen de seguirlle o ritmo. Case que fusionado cos seus fans, Mr. Sipp culminou un show sen fisuras e cheo de enerxía polos catro costados.
Aquí un vídeo dun concerto seu de 2017, posto que só con palabras non se pode expresar a técnica, o virtuosismo, a enerxía deste artista ‘de raíz’.
Agora será o turno de Mr Tail Dragger, “hisoria viva do Blues, incluso o seu apodo foi posto polo grandioso Howlin Wolf. Pertence a extensa canteira de bluesmen xurdidos en Texas e creceu musicalmente baixo a influencia de bluesmen clásicos como Sonny Boy Williamson ou Boyd Gilmore. O directo de Dragger segue atraindo a públicos de todo o mundo, inmersos nesa mestura de fascinación, historia e realidade”, destacan os organizadores do evento.
“É nos seus concertos onde rebrota toda a sua maxia e o seu sentido de humor, nunha continua interacción co público de inicio a fin. Será un dos 3 únicos concertos que dará en España, onde ademáis estará acompañado por Adrían Flores (Brasil) a batería, Nico Fami (Argentina) a guitarra e Adrian Jimenez (Argentina) a armónica, tres músicos que coñecen á perfeción a sua música e que dende hai anos xiran xuntos con Tail Dragger nos seus tours por Sudamérica”, conclúen.
