O voluntariado está vivo. Este luns 10 de novembro celebrouse o seu Día Internacional e congregáronse na Praza da Pedra (xunto ao CC A Laxe) diversas organización como APAMP, ASEGAL, Vida Digna, AFAGA ou Amnistía Internacional. Tamén era o 70 aniversario da declaración dos Dereitos Humanos.
Ademais desta xuntanza á beira do mar das diferentes organización coas que a cidade suma case 3.000 voluntarios, a UVigo organizou en colaboración co Concello o coloquio ‘O Voluntariado como actor de cambio’, que se levou a cabo no salón de actos do Marco.
Moderada pola vicerreitora, Mª Isabel Doval, e o concelleiro da Área de Emprego, Economía, Industria, Voluntariado e Relacións cos Sindicatos do Concello de Vigo, Santos Héctor Rodríguez, a actividade xirou en torno á importancia do papel das persoas voluntarias nas organizacións do terceiro sector.
Contouse coa participación de Ramón Ilarri, voluntario cultural; Marisé Pérez, vocal do comité local de Unicef e colaboradora en diversas accións en entidades culturais e veciñais; Rosa Camiña, voluntaria en diversas entidades; Cristian Fernández, voluntario de Protección Civil e actual presidente desta entidade; Belén Fernández Feijóo, profesora de Contabilidade de Custos na Universidade de Vigo e colaboradora habitual de Aldeas Infantiles e a Fundación Mozambique Sur e as alumnas da Universidade de Vigo Almudena Trillo e Camino Romera, ambas as dúas con experiencia en temas de voluntariado social.
