InicioVigo e contornaVigoXulgado en Vigo un home acusado de estafar con falsos alugueres de...

Xulgado en Vigo un home acusado de estafar con falsos alugueres de pisos

A Fiscalía solicita 4 anos e medio de prisión e unha multa de case 4.000 euros polo suposto engano a dúas vítimas

PUBLICADO O

- Advertisement -

Un home sentará este martes no banco da sección quinta da Audiencia Provincial de Pontevedra, con sede en Vigo, acusado de estafar a dúas persoas mediante falsos alugueres de vivendas. O Ministerio Fiscal reclama para el 4 anos e medio de prisión e unha multa de 3.960 euros, ao consideralo autor dun delito continuado de estafa agravada.

Segundo o escrito da Fiscalía, en febreiro de 2024 o procesado contactou cunha muller que buscaba piso en Vigo e ofreceulle unha vivenda por 600 euros ao mes. A vítima ingresoulle esa cantidade como reserva, confiando en poder ocupar o inmoble tras unhas supostas obras de reforma. Non obstante, nunca chegou a acceder á vivenda.

O acusado reclamoulle posteriormente outros 600 euros por un rexistro de alugueres da Xunta e 220 euros por un seguro, cantidades que a afectada abonou. Sen piso e sen recuperar o diñeiro, viuse obrigada a deixar a súa vivenda anterior, a trasladarse a Salceda de Caselas e mesmo a pedir un préstamo para facer fronte aos gastos.

O ministerio público tamén lle atribúe outra estafa a un segundo prexudicado, que atopou un anuncio en internet. O procesado pediulle 700 euros de reserva cun argumento semellante: que o piso estaba en obras. O afectado tampouco chegou nunca a dispoñer da vivenda.

PETICIÓNS DA FISCALÍA

En concepto de responsabilidade civil, a Fiscalía reclama que o acusado indemnice á primeira vítima con 1.420 euros polas cantidades entregadas e outros 1.500 euros por danos morais, e que aboe ao segundo afectado os 700 euros ingresados.

De forma subsidiaria, o ministerio público solicita unha condena por estafa simple con pena de 6 anos e 10 meses de prisión.

ÚLTIMAS

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...

Media ducia de detidos e diversas drogas intervidas en só dúas semanas, en operativos contra o ‘menudeo’ en Vigo

A Policía Nacional da Comisaría de Vigo-Redondela detivo seis persoas en cinco operacións contra...