A Policía Nacional detivo esta semana ao suposto autor dun atraco nun supermercado, onde ameazaría á caixeira cunha arma branca. Os feitos sucederían o pasado sábado, cando o home, provisto dun pasamontañas, irrompería nun supermercado da Avenida da Florida, ameazando á caixeira cunha arma branca. Así, conseguiu levar a caixa rexistradora e escapar.

A partir de aí, os axentes iniciaron as pescudas pertinentes para a identificación e detención do home. Desta maneira, foi detido menos de 48 horas despois mentres paseaba pola rúa Manuel de Castro.