Ás 16:15 horas deste xoves a Policía Local recibía o aviso da existencia dun accidente de tráfico en Camiño Real á altura do numero 2, en Teis. A unidade de atestados desprazouse ao lugar, comprobando que se trataba dunha colisión entre un turismo e un ciclista.

O turismo era conducido por unha muller e a bicicleta por un menor de 15 anos de idade, sendo este ultimo trasladado por unha ambulancia ao Hospital de Povisa. Os axentes de Policía trasladáronse pouco despois ao centro hospitalario co obxecto de interesarse polo estado do mozo.

Os facultativos comunicaron que a vítima circulaba sen casco e que permanecería ingresado xa que presentaba un traumatismo cranioencefálico, así como insensibilidade nas extremidades inferiores.