A Xunta, a través do Servizo Galego de Saúde (Sergas), publicou no Portal de Contratos Públicos a licitación por 124.630 euros dun novo ecógrafo para a área de cardiología pediátrica do Hospital Público Álvaro Cunqueiro de Vigo.

Deste xeito, renóvase este equipo de diagnóstico por imaxe que permite ver o corazón e os vasos cardíacos, ademais de “poder estudar os fluxos sanguíneos analizando a estrutura e a función do órgano”. En concreto, as empresas interesadas poderán presentar as súas ofertas ata o 14 de marzo.

Segundo detallou o Goberno galego nunha nota de prensa, entre os seus usos principais está o diagnóstico de cardiopatías congénitas e adquiridas, pero tamén permite identificar anomalías do corazón de nenos como defectos nas válvulas, tabiques ou cámaras cardíacas.

Con todo, destacou que este ecocardiógrafo ten como principal vantaxe ser “inocua e non invasiva”, ofrece información “precisa” con imaxes en tempo e permite controis repetidos que son “importantes para coñecer a evolución en patoloxías crónicas ou despois de cirurxías”.