InicioMovementos SociaisOs traballadores de Dornier comezan as folgas de fame despois de 80...

Os traballadores de Dornier comezan as folgas de fame despois de 80 días sen solucións

PUBLICADO O

Os traballadores en folga de Dornier, última concesionaria do servizo de aparcadoiro da zona azul en Vigo, encerráronse este xoves no Concello. O venres foron recibidos, pero os resultados do encontro de tres horas non foron satisfactorios. A reunión, case tres meses de inacción despois, foi tensa para eles.

Desde a administración non puideron poñer solucións nin datas á fin do seu calvario que xa durou 80 días, máis ben lles advertiron de que o seu informe debía pasar aínda por varios departamentos.

Os traballadores do XER, encerrados no Concello de Vigo/ Miguel Núñez

De tódolos xeitos, os traballadores en folga decidiron suspender a súa loita durante a fin de semana: tres deles sufriran crises de ansiedade. Hoxe luns concentráronse ás portas da empresa e precintaron de novo os expendedores, “porque a empresa nestes días está a adicarse a enganar ao ciudadano”, subliña Julio Fernández, delegado de UGT e un dos traballadores en folga.

Este martes ás 9 da mañá os 7 traballadores despedidos pola empresa e ata o 3 máis comezarán unha folga de fame. 

Os traballadores do XER, encerrados no Concello de Vigo/ Miguel Núñez

“A empresa Dornier para nós non existe, desde o 5 de setembro o único ao que se adica é a desprecintar as expendedoras, para dar a senación de que non pasa nada. Se iso é unha empresa, se iso é unha multinacional…”, lamenta Julio.

“Nós defendemos un servizo público, e pedimos ao Concello que non nos deixe caer no olvido. O inmigo é a concesionaria Dornier, non o Concello, pero consideramos que ten que moverse, desta vez non vale ir despacio…Nós tivemos a deferencia de creer e colaborar con eles “, conclúe.

En canto aos diferentes partidos políticos, Marea de Vigo vén de sinalar que “o alcalde é responsable por ter dado o seu apoio no Pleno do Concello chegando a afirmar, con moita grandilocuencia, que non habería despedimentos mentres el fora alcalde, cando os 8 despedimentos xa estaban executados e a folga xa levaba varios días activa” engade Xosé Lois Jácome.

Os traballadores do XER, encerrados no Concello de Vigo/ Miguel Núñez

Pola súa banda, o BNG de Vigo acusou ao goberno municipal de enganar ao persoal da XER: “É intolerábel que a única resposta do Concello a traballadores dun servizo que é municipal sexa un permanente ‘volva vostede mañá’, con promesas de prazos que se incumpren unha e outra vez”.

O seu candidato, Xabier P. Igrexas, reclamou “transparencia” con respecto das xestións que se están a facer: “O persoal en folga, as súas familias, pero tamén o conxunto da cidadanía temos dereito a saber que se ten feito”. Demandou que o Goberno municipal mostre publicamente o expediente administrativo e se explique “en que punto está exactamente, que trámites faltan”.

A fronte nacionalista volveu demandar que para alén de axilizar de maneira urxente a resolución do contrato da actual concesionaria, que asumiu o servizo cunha oferta que “raiaba de maneira evidente nunha baixa temeraria dos custes”, cunha rebaixa do 30%, é “imprescindíbel avanzar cara a remunicipalización do servizo”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...