InicioSociedadeTraballadores dos Puntos de Atención Continuada aseguran ser 'maltratados' polo Sergas

Traballadores dos Puntos de Atención Continuada aseguran ser ‘maltratados’ polo Sergas

PUBLICADO O

- Advertisement -

Os traballadores dos Puntos de Atención Continuada (PAC) do servizo galego de saúde veñen de denunciar de novo as súas condicións de traballo: “Un 15% do cadro de persoal está en situación de incapacidade temporal e non sería estraño pensar que nos próximos días esta proporción puidera aumentar pola presión á que a EOXI de Vigo nos está sometendo”, subliñan.

“Na práctica suspendéronse case todos os permisos. Como médico de familia e traballador nun PAC da área é moi difícil poder acollerse a una redución de xornada por coidado de fillo a cargo ou persoa dependente. É unha lotería poder gozar dun día de libre disposición aos que por lei temos dereito. É un senvivir planificar unha viaxe en vacacións porque quizais a última hora aparezan como “denegadas”, denuncian os traballadores.

Engaden estes que “a última volta de torca é a de obrigar os facultativos a realizar xornadas de 17 ou 24 horas nos seus períodos de descanso e avisando con moi pouco tempo de antelación. Esta semana unha compañeira con dous fillos menores a cargo viuse obrigada “por necesidades do servizo” a realizar una xornada de 65 horas nunha semana, a maioría delas en tramo nocturno e festivo. Sen posibilidade de réplica. Sen planificación previa”, aseguran.

“O Sergas busca médicos voluntarios para o PAC á vez que maltrata os poucos que aínda ten: soldos conxelados desde o ano 2010, cómputo horario que obriga a “recuperar” parte das horas que non se traballaron por estar de baixa, dietas insuficientes, uniformes inadecuados, posibilidade de aumento de xornada en calquera momento e unha negociación de 10 meses coa Consellería para resolver estes puntos que, por estéril, desenvocou nunha folga”, enumeran os traballadores en paro.

“Mentres tanto, despreza absolutamente o traballo, tempo de descanso e vida familiar dos seus traballadores, o que inflúe directa e negativamente na calidade da asistencia: desprezando aos traballadores dos PAC o Sergas está a desprezar o usuario destes servizos”, conclúen.

ÚLTIMAS

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...