A subministración de auga potable en Baiona recuperouse tras media xornada cortada debido á rotura dunha condución por unhas de acometida de suministro electrico. Segundo informaron fontes municipais, finalmente a última hora do martes procedeuse á conexión á rede de subministración procedente do municipio veciño de Nigrán, e advertiuse aos veciños de que, aínda que xa teñan auga, a presión será “moito menor” do habitual o que impidía en moitos casos o funcionamento dos calentadores de auga quente. 

O corte produciuse ao mediodía debido á rotura da tubaxe xeral da subministración (que abastece Baiona desde a presa de Baíña), motivada por unhas obras na rede de subministración eléctrica. A falta de auga afectou a uns 7.000 veciños da parroquia de Sabarís e do centro urbano da localidade.

En todo caso, desde o Concello tamén se informou de que os traballos de reparación continuarán ata que se solvente definitivamente o problema e poida recuperarse o abastecemento con normalidade.