InicioSucesosO cadáver da muller achada nunha maleta presenta unha puñalada e aínda...

O cadáver da muller achada nunha maleta presenta unha puñalada e aínda non puido ser identificada

Segundo unha testemuña, a maleta estivo alí polo menos desde o pasado mes de agosto.

PUBLICADO O

A autopsia realizada ao cadáver da muller achada dentro dunha maleta nunha leira abandonada de Vigo evidencia que recibiu unha puñalada mortal, o que confirma a morte homicida da vítima, segundo trasladaron a Europa Press fontes coñecedoras da investigación.

A maleta foi achada por un repartidor na tarde deste xoves, nun solar cheo de maleza, e moi preto dunha vivenda, na rúa Espedrigada da cidade olívica. Ao decatarse do mal cheiro, o traballador avisou a Emerxencias e a Policía Nacional comprobou que, no interior da maleta (que estaba envolvida por plástico similar ao que se usa para embalar as equipaxes nos aeroportos), había un corpo de muller.

O cadáver atópabase en moi mal estado debido á descomposición e os investigadores cren, ao ver as condicións do corpo e atendendo á testemuña da veciña da vivenda próxima, que a maleta estivo alí polo menos desde o pasado mes de agosto.

Ante a confusión inicial sobre o estado do corpo, tanto o subdelegado do Goberno en Pontevedra, Abel Losada, como fontes policiais, matizaron que o corpo estaba enteiro e completo. Trátase dunha muller, semi espida, e que tiña sobre a cabeza un anaco de tecido.

A vítima non foi aínda identificada pola imposibilidade de tomar pegadas e, de feito, tampouco foi posible extraelas mediante procedemento químico. Por iso, á marxe da toma de mostras de ADN, enviaranse os dedos a Madrid a un laboratorio especializado e dotado coa última tecnoloxía para a recuperación de impresións dixitais.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...