InicioEconomíaVitrasa e comité rematan a mediación con posturas "moi afastadas", pero reuniranse...

Vitrasa e comité rematan a mediación con posturas “moi afastadas”, pero reuniranse de novo este martes

Foi a semana pasada cando Vitrasa aceptou de novo a figura dun mediador.

PUBLICADO O

Vitrasa, a concesionaria municipal do transporte urbano do Concello de Vigo, e o comité de empresa terminaron este luns o encontro de mediación con posturas “moi afastadas”, pero decidiron volver reunirse de novo este martes a partir das 09.30 horas.

Ambas as partes trataron de chegar a un acordo a partir das 10.00 horas no Hotel Baía de Vigo, estendéndose o encontro ata as 15.00 horas, cando se solicitou un receso para comer. Pola tarde, sobre as 18.00 horas, Vitrasa e os representantes dos traballadores decidiron aprazar a reunión ata mañá martes “sen ningún acordo”, segundo informou o presidente do comité, Imanol Arnoso.

“A proposta da empresa unicamente variou da anterior nun mínimo incremento salarial do 3% no canto de de o 2,5%. A proposta do comité (unánime) foi rexeitada, a pesar de mostrar flexibilidade para tentar solucionar a actual situación”, indicou Arnoso.

A pesar destas posturas “moi afastadas”, tanto a dirección da compañía como o comité decidiron volver atoparse este martes para continuar coa negociación e pór fin a un conflito que dura xa máis de tres anos, desde que a finais de 2020 caducou o anterior convenio.

Foi a semana pasada cando Vitrasa aceptou de novo a figura dun mediador que axude a solucionar a situación. Unha vez máis, como xa ocorreu a finais do ano pasado, é unha inspectora de traballo a encargada de intermediar entre empresa e empregados.

Os traballadores de Vitrasa levan anos protestando pola situación laboral que viven, debido a que o convenio colectivo caducou hai xa tres anos, manténdoselles o salario conxelado desde esa data, pese ao incremento do prezo da vida tras a pandemia e da propia subida dos billetes de bus.

ÚLTIMAS

A traxedia golpea de novo ao ascensor HALO en Vigo

A traxedia golpeou de novo ao ascensor Halo ao caer ao baleiro onte á...

Tampouco chegarán os trens Avril a Vigo en marzo?

O operador ferroviario Renfe desbloqueou a venda de billetes para o mes de marzo entre Vigo...

Sindicatos chaman aos vigueses a manifestarse o sábado por un transporte público digno ante o “abandono” municipal

Os responsables comarcais dos sindicatos CIG, CC.OO., UGT e USO fixeron este xoves un...

O V Simposio Nacional de Oncoloxía de Precisión aborda en Vigo retos como a IA ou o uso de anticorpos biespecíficos

A cidade de Vigo acolle este xoves e este venres o V Simposio Nacional de...