InicioVigo e contornaO PorriñoPiden dous anos de prisión para unha traballadora do Concello do Porriño...

Piden dous anos de prisión para unha traballadora do Concello do Porriño por quedar parte de contratos con bandas

Está acusada dun delito continuado de malversación.

PUBLICADO O

A Sección cuarta da Audiencia Provincial de Pontevedra xulgará a partir deste martes, día 15 de novembro, e ata o vindeiro xoves, día 17, a unha traballadora do Concello do Porriño por supostamente quedar con parte do diñeiro de contratos con bandas de música.

Por estes feitos, Fiscalía solicita para ela dous anos de cárcere, ao considerala autora dun delito continuado de malversación. Ademais, tamén pide que dita empregada pague unha multa de 1.800 euros e inhabilitación especial para cargo público por tempo de catro anos, así como o pago dunha indemnización de 1.270 euros ao Concello do Porriño.

Tal como recolle o Ministerio Fiscal no seu escrito de acusación, os feitos polos que será xulgada remóntanse a 2016, cando a acusada se puxo en contacto cunha banda de música para concertar unha actuación para o Venres Santo.

O prezo era de 1.500 euros, ao que habería que restarlle 500 euros no caso de que a Deputación de Pontevedra subvencionase parte da mesma a través do programa ‘Pontegal’. Desta formal, a agrupación debería emitir unha factura polo importe total e, no caso de que finalmente fose concedida a axuda, devolver a súa contía ao Concello.

Así, unha vez se aprobou a subvención, a banda púxose en contacto coa acusada para saber como se debería devolver o diñeiro, dicindo ela “con ánimo de procurarse un beneficio indebido” que tiña que ser en man. Días despois, o director da banda entregou os 500 euros á traballadora do Concello, que ingresou na súa conta persoal, segundo denuncia Fiscalía.

A acusada tería levado a cabo accións similares a esta en varias ocasións, ata que unha das bandas sospeitou e púxose en contacto coa alcaldesa, a tesoureira e o interventor do Concello, momento no que descubriron as pretensións da acusada.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...