InicioDeportesO Porriño acolle a "gran festa" do motor galego con 120 pilotos

O Porriño acolle a “gran festa” do motor galego con 120 pilotos

A 55 edición do Rally Recalvi Rías Baixas presentouse este mércores no Concello e terá lugar este venres e sábado.

PUBLICADO O

O Concello do Porriño acolleu este mércores a presentación da 55 edición do Rally Recalvi Rías Baixas. A inscripción este ano “superou todas as expectativas” e serán 120 os pilotos que disputen a proba, segundo explicou o presidente da Escudería Rías Baixas, Fernando Mouriño. Entre eles, Oscar Palacios, Víctor Senra e os irmáns Vallejo.

O primeiro evento terá lugar o venres, co tramo Gondomar-Porriño ás 18:16 horas e a nocturna ás 21 horas, e o segundo, o sábado, acollerá dous importantes reagrupamentos, ás 12:44 horas e ás 17:47 horas. Mouriño destacou a vinculación do Rías Baixas co Porriño que, segundo apuntou, “vén de moi lonxe”. “O Porriño conta cunha importante tradición do mundo motor e grazas a pilotos como os que hoxe nos acompañan, que seguro que farán un bo papel, daremos un gran espectáculo a todo o mundo”. 

Mouriño quixo agradecer o apoio do Concello a esta proba, e destacou tamén que “a primeira clasificación que se pasou a ordenador no Campionato de España de Rallyes se fixo aquí no Porriño”. “Foi no ano 1967 en Zeltia, proba da estreita vinculación do Concello co Rías Baixas”. 

No mesmo sentido se expresou José Vicente Medina, o vicepresidente da RFEA, que
destacou que “o alto número de inscritos fan honor a que se trata dun evento consolidado, que non sería viable sen o respaldo dos concellos”. Medina salientou, ademais, que “o automobilismo deste nivel dá visibilidade a concellos que como o do Porriño teñen moito que ofrecer, creando riqueza e turismo”.

O concelleiro de Deportes, Abel Estévez, agradeceu á organización “a súa disposición a
traballar da man do Concello, xa que falamos dun deporte que conta con moitos adeptos no Porriño, polo que seredes todos ben recibidos”. Pola súa parte, o alcalde concluíu destacando que “durante dous días O Porriño será o protagonista nun dos maiores eventos do motor”.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...