O Concello do Porriño  mostrou a súa “grave preocupación” pola “escalada” de accidentes laborais que se saldaron con vítimas mortais no termo municipal en 2020.

Nun comunicado, o goberno local lembrou que, no que vai de ano, rexistráronse varios accidentes laborais na localidade que levaron o falecemento de ao redor de media ducia de traballadores.

Precisamente, a alcaldesa do Porriño, Eva García de la Torre, trasladou as condolencias do Concello polo falecemento dun home que tivo lugar este martes despois de que queda atrapado ao manipular unha peza de material rochoso mentres traballaba no Polígono das Gándaras.

Así mesmo, o concelleiro de Emprego, David Alonso, mostrou a “inquietude” do goberno local por estes sinistros e destacou que a Administración local ofrece cursos de formación en seguridade e prevención de riscos de modo gratuíto mediante o programa ‘Porremprego’.

Así as cousas, o edil de Emprego sinalou que resulta preciso reforzar estas actividades de formación en colaboración coas empresas e coa súa implicación “para pór freo a esta sucesión de accidentes laborais”.