Unha muller foi rescatada tras envorcar o seu turismo na N-550, ao seu paso polo municipio pontevedrés do Porriño, e foi evacuada en estado grave.

Segundo informou o 112, foi ao fío das 6,30 horas cando recibiron a chamada de varias persoas que lle informaron que no interior do vehículo, que estaba moi danado e perdía combustible, había alguén atrapado.

Ante isto, a central de emerxencias pediron a colaboración dos bombeiros do Baixo Miño para realizar o rescate da única ocupante do vehículo que, tras quedar liberada, foi atendida e trasladada, “con lesións importantes”, por Urxencias Sanitarias de Galicia-061.

Ademais, os xestores de 112 solicitaron a intervención dos equipos de limpeza e mantemento da vía, a N-550 no quilómetro 154, para poder restablecer as condicións de seguridade. No operativo tamén participaron os axentes da Garda Civil de Tráfico e da Policía Local.