InicioVigo e contornaMos"Yo le doy pa'lante, baby, tú solo dale pa'trá'"... As letras machistas...

“Yo le doy pa’lante, baby, tú solo dale pa’trá'”… As letras machistas do rapeiro Kaydy Cain

O Concello de Mos e os grupos do PSdeG, Compostela Aberta e BNG de Santiago rexeita a actuación deste rapeiro nas salas Queen e Capitol.

PUBLICADO O

- Advertisement -

“Yo le doy pa’lante, baby, tú solo dale pa’trá’, Mami, déjale caer to’ el peso, Y juega con mi muñeco” ou “Follo puta’, no trabajo y fumo weed”… Son parte das letras do polémico rapeiro Kaydy Cain que ten previsto dar un concerto este xoves na sala Capitol de Santiago e o día 11 na sala Queen, de Mos.

A concellaría de Políticas de Igualdade do Concello de Santiago, así como os grupos municipais de PSdeG, Compostela Aberta e BNG, manifestaron xa a súa repulsa a este concerto. Consideran que as letras das súas cancións son “vexatorias e denigrantes para as mulleres”. “Estamos en contra de calquera cultura audiovisual e musical, como neste caso, que agrede violentamente ás mulleres e a súa dignidade”, indican nun comunicado conxunto.

Así, nun comunicado conxunto, os tres grupos lembran que o Concello de Santiago  traballou sempre en prol da igualdade e está declarado libre de violencias machistas. “Amosamos a nosa disconformidade coa celebración de calquera tipo de acto sexista no que se faga apoloxía do machismo”, indican. Polo tanto posicionanse en contra deste concerto, e esixen o máximo respecto para a figura das mulleres en todo tipo de actos públicos e privados.

Tamén o pleno do Concello de Mos rexeitou a súa actuación nunha sala privada do municipio o vindeiro sábado. Tamén o Colectivo Feminista de Pontevedra emitiu un comunicado de repulsa polo concerto. Non é a primeira vez que este rapeiro está envolto na polémica. De feito, foi acusado de violación e abusos a mulleres a través das redes sociais e memso hai creada unha conta en Instagram  (@habrajusticia) onde se reúnen varias acusacións, todas anónimas, que xa suman un total de seis.

ÚLTIMAS

O buque vigués ‘Robin M. Lee’, ao rescate dos tripulantes do palangreiro en perigo nas Malvinas

Os 27 tripulantes do palangreiro 'Argos Georgia', que nas últimas horas solicitaba axuda a 170 millas...

Unha carpa situada nas inmediacións do centro comercial A Laxe acolle unha experiencia de realidade virtual para concienciar sobre a ciberseguridade

O Instituto Nacional de Ciberseguridade (Incibe) organiza esta semana en Vigo a exposición '#ExperienciaIncibe' de realidade...

Encontran o cadáver dun home dentro dun piso de Vigo despois da alerta dos veciños polo mal cheiro

Os servizos de emerxencia acharon o cadáver dun home nun piso de Vigo despois...

Case 1.300 empresas galegas logran algún dos 10 indicadores Ardán

Un total de 1.289 empresas galegas lograron algún dos 10 indicadores Ardán, co almacenista...