InicioSociedadeO xulgado revoga o laudo que anulaba as eleccións en Stellantis Vigo...

O xulgado revoga o laudo que anulaba as eleccións en Stellantis Vigo e declara a validez do proceso

O sindicato CUT impugnou o proceso, alegando que non houbera liberdade de voto

PUBLICADO O

- Advertisement -

O xulgado do Social número 1 de Vigo ditou sentenza na que estima as demandas de Stellantis e dos sindicatos CC.OO., UXT e SIT, e revoga o laudo arbitral que anulaba as eleccións sindicais na planta, declarando válidos eses comicios.

As eleccións celebradas na planta os pasados días 13 e 14 de outubro deron como resultado un comité formado por 21 delegados do SIT, 4 de UXT, 3 de CUT e 3 de CC.OO. O sindicato CUT impugnou o proceso, alegando que non houbera liberdade de voto, xa que houbo electores que acudiron acompañados a recoller as papeletas ás mesas auxiliares, onde non había cortinas como no caso das cabinas, e puido haber algún tipo de coacción ou condicionamento.

Un laudo arbitral deu inicialmente a razón ao sindicato e declarou nulas as eleccións, obrigando a repetir do proceso. A empresa e os sindicatos CC.OO., UXT e SIT acudiron ao xulgado para oporse a esa decisión e o xulgado mantivo en suspenso o laudo ata resolver sobre o fondo do asunto.

Na sentenza coñecida este xoves, e que data do 23 de xaneiro de 2023, o xuíz estima as demandas interpostas e declara válidas as eleccións. O maxistrado recolle na súa resolución que o voto secreto nun proceso electoral “é un dereito” pero “non un deber” e que os electores tiñan a posibilidade de recoller as papeletas en cabinas pechadas para evitar que se coñecese a súa opción.

Así mesmo, establece que, o feito de que se constatou a presenza de máis dun elector simultaneamente nalgunhas mesas auxiliares, non quere dicir que ocorrese en todas, nin que se producisen coaccións. “A ilegalidade non pode presumirse, debe acreditarse”, sinala na sentenza. Contra a sentenza non cabe recurso.

ÚLTIMAS

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...

O Nadal de Vigo publicitarase en Londres, París, Nova York e Lisboa

O Concello de Vigo despregou a súa habitual campaña publicitaria a través de mupis...

Protestan ante o Concello de Vigo para pedir alternativas habitacións para persoas sen fogar que estaban na Acampada

Decenas de persoas protestaron na mañá deste luns ante as portas do Concello de...