InicioCulturaCaballero: "Agora en lugar de rodar (películas) en París, rodan en...

Caballero: “Agora en lugar de rodar (películas) en París, rodan en Vigo”

Vigo ofrécese como "o mellor estudio de rodaxe do planeta" para "quitarlle o sitio" a Hollywood.

PUBLICADO O

- Advertisement -

O alcalde de Vigo, Abel Caballero, ofreceu este xoves a cidade como o “mellor estudio de rodaxe do planeta” para “quitarlle o sitio” a lugares como París, Londres ou mesmo Hollywood.

Así o sinalou na súa intervención durante a presentación da Vigo Filme Office na Feira Internacional de Turismo (Fitur), que leva a cabo durante esta semana en Madrid. O rexedor olívico destacou a urbe como o lugar “perfecto” para rodar calquera tipo de audiovisual grazas ás súas rúas, as súas praias, as súas fábricas, a súa zona vella ou as súas xentes.

Neste sentido, puxo en valor a industria cinematográfica de Vigo, que permite a produtores dispor de profesionais para todo tipo de labores. Ademais, insistiu en que os proxectos que pretendan rodar na cidade contarán co apoio do Concello. “Se hai que pechar o tráfico dunha rúa, iso para o cinema facémolo nun dicir amén”, reivindicou Caballero, pondo a disposición dos interesados a cidade para gravar series ou películas como xa fixeron plataformas como HBO ou Netflix.

Para o alcalde, é importante que Vigo teña cultura e puxo en valor a importancia económica que supón que unha rodaxe leve a cabo na cidade. “Xogamos na liga de París e de Londres. Agora en lugar de rodar en París, rodan en Vigo. En lugar de rodar de Hollywood, rodan en Vigo. Témolo todo”, reivindicou.

A presentación da Vigo Filme Office contou coa actuación de Débora Vukusic e a concelleira e actriz Uxía Branco. Elas puxéronse na pel de dúas produtoras dunha serie que buscan unha localización perfecta, chegando á conclusión de que Vigo “o ten todo”.

ÚLTIMAS

Ordenan prisión para o home que quixo queimar a casa da súa exmuller en Tomiño coa súa filla dentro

O xulgado de instrución número 1 de Tui acordou o ingreso en prisión provisional,...

Arremeten contra unha xornalista no terceiro intento de desaloxo da casa ocupada na rúa Pardavila

Unha muller que estaba a ser desaloxada dunha casa ocupada desde hai anos en...

A Asociación de Dano Cerebral Alento preparará a tortilla máis grande da historia de Vigo” polo seu 25 aniversario

A Asociación de Dano Cerebral Alento elaborará este sábado a tortilla "máis grande da...

O BNG levará unha moción ao Pleno de Vigo para pedir a condena das “accións genocidas” de Israel en Gaza

O grupo municipal do BNG no Concello de Vigo levará unha moción para o...