O Consorcio Zona Franca de Vigo organiza este venres, 2 de decembro, unha mesa de debate que sentará a empresas punteiras en responsabilidade social corporativa con organizacións e asociacións do terceiro sector para analizar por que esta estratexia xera valor para as compañías e para a sociedade.
Segundo explicou Zona Franca de Vigo nun comunicado, o obxectivo desta xornada é “servir de modelo a outras empresas e organizacións para que se inicien neste camiño de cooperación que contribúe ao desenvolvemento sustentable da contorna”.
A mesa de debate, titulada ‘A responsabilidade social empresarial como estratexia de cooperación entre actores’ desenvolverase no auditorio de Zona Franca entre as 09,00 e as 13,00 horas.
