InicioCulturaA Semana de Cine Submarino de Vigo contará co galego que visitou...

A Semana de Cine Submarino de Vigo contará co galego que visitou un dos lugares máis profundos do mundo

O festival celebrarase entre o 8 e o 10 de novembro.

PUBLICADO O

A XXXI Semana de Cine Submarino da Universidade de Vigo (UVigo) comezará o vindeiro martes, día 8 de novembro, e contará co primeiro galego que visitou un dos lugares máis profundos do planeta, Héctor Salvador.

Tal como indicou a UVigo, este enxeñeiro aeronáutico lucense coprotagoniza o audiovisual ‘Descenso á Fosa das Marianas’, que conta unha inmersión a 10.706 metros de profundidade no chamado abismo da Sirena, no Océano Pacífico.

Salvador participou durante seis anos na construción do vehículo no que viaxaron el e o seu compañeiro australiano Tim MacDonald ata un dos lugares máis profundos do planeta. Durante a inmersión tomaron mostras de sedimentos que serán empregados para fins científicos e ecoloxistas. O lucense ofrecerá unha conferencia o xoves, día 10.

A Semana de Cinema Submarino celebrarase entre o 8 e o 10 de novembro e dará conta doutras iniciativas audiovisuais nas que se mesturan producións locais, internacionais e mesmas pezas de océanos con outras de augas doces.

O ciclo comezará o día 8 cun recoñecemento á Confraría de Pescadores de Vigo polo seu traballo de limpeza da contorna mariña reflectido na peza ‘Mar limpo, mar vivo’. Ao longo dos tres días que dura o festival serán expostos outros traballos relacionados co mundo do mar.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un conductor que superaba por cinco puntos a taxa de alcol permitida

A Policía Local de Redondela interceptou o pasado domingo a un home, veciño de...