InicioPolíticaO Goberno espera que no primeiro trimestre de 2023 termine a homologación...

O Goberno espera que no primeiro trimestre de 2023 termine a homologación dos trens Avril

O Executivo reivindica o seu "compromiso absoluto" coa saída sur ferroviaria de Vigo ao ser "prioritaria", a pesar de que xa vai "fóra de tempo".

PUBLICADO O

A secretaria de Estado de Transportes, Mobilidade e Axenda Urbana, Isabel Pardo de Vera, indicou que o Goberno espera que no primeiro trimestre de 2023 termine a homologación dos trens Avril, que permitirá a chegada da alta velocidade a cidades como Vigo. Así o sinalou Pardo de Vera ante os medios de comunicación este venres precisamente na cidade olívica, ata onde viaxou para recibir a Medalla de Ouro da urbe.

Alí explicou que o Ministerio mantén “permanentemente” reunións con todos os axentes responsables da homologación destes trens, polo que subliñou que agora a data que se estima é o primeiro trimestre de 2023, entre “marzo e abril”.

A secretaria de Estado engadiu que se están terminando as probas correspondentes e que están “a avanzar ben”. Tamén lamentou que “a pena” é que non se construísen ditos convois antes, xa que se adxudicaron en 2016, segundo lembrou. Segundo indicou, os trens Avril reducirán o tempo do traxecto entre Vigo e Madrid a menos de catro horas, xa que na actualidade a viaxe máis rápida realízase en 4 horas e 15 minutos.

VIGO-OURENSE POR CERDEDO

Entre outros temas, Pardo de Vera falou da conexión AVE entre Vigo e Ourense por Cerdedo, evitando o desvío por Santiago. Desta, indicou que o estudo hidroxeolóxico xa está terminado, polo que agora ten que ser validado de acordo ás prescricións ambientais para continuar co proxecto.

Sobre a saída sur ferroviaria de Vigo, Pardo de Vera reivindicou o “compromiso absoluto” do Executivo central con esta infraestrutura ao ser “prioritaria”, a pesar de que xa vai “fóra de tempo” porque “debería ser prioritaria desde hai moito tempo”.

“Estamos a traballar con todo o esforzo. Xa acabamos o estudo de alternativas para dar outro paso”, engadiu, explicando que agora toca definir cos estudos hidrolóxicos e centrar as “opcións viables” para só barallar aquelas que si poidan levarse a cabo á hora de axustar o trazado.

Tamén puxo o foco na autovía Vigo-O Porriño, que por primeira vez aparece nos Orzamentos Xerais do Estado unha partida para esta estrada, e indicou que reducirá o tempo do traxecto, os atascos e as emisións.

ÚLTIMAS

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

Detido por exhibicionismo un home que se facía tocamentos e se masturbaba na praia viguesa de Samil

Axentes da Policía Local de Vigo detiveron a un home de 42 anos de idade, A.D.,...

Decaltado incendio na fábrica de casas de madeira 5Jotas en Candeán

Solicitouse asistencia sanitaria para unha persoa debido a unha crise de ansiedade, mentres que...

Vigo terá un superávit do 1,1 % en 2024

A Autoridade Independente de Responsabilidade Fiscal (AIReF) ten a previsión de que todos os concellos en España...