InicioEconomíaCaballero asegura que a parte española do AVE Lisboa-Vigo está "igual de...

Caballero asegura que a parte española do AVE Lisboa-Vigo está “igual de avanzada polo menos” que a lusa

Afirma que a saída sur desde Vigo e a parte española do trazado están en fase de estudo de alternativas. Rueda celebra a aposta de Portugal.

PUBLICADO O

O alcalde de Vigo, Abel Caballero, asegurou este xoves que “a parte española” do AVE Lisboa-Porto-Vigo” vai “igual de avanzada polo menos” que a portuguesa, e trasladou a súa satisfacción tras a presentación do proxecto en terras lusas por parte do primeiro ministro Antonio Costa.

Caballero mostrouse “encantado” do “entusiasmo” do Goberno de Portugal, e lembrou que “iso se decidiu” no cume ibérico de Garda. “Eu estiven alí, con Antonio Costa e Pedro Sánchez. Estiven presente naquela gran decisión”, remarcou.

Segundo asegurou, a saída sur desde Vigo e a parte española do trazado están en fase de estudo de alternativas, por tanto “está igual de avanzado polo menos que Portugal”. “Imos ao ritmo que hai que ir neste momento”, insistiu, e engadiu que, sobre esta cuestión, volverá falarse no cume ibérico de Viana a mediados de outubro.

Abel Caballero celebrou que, neste trazado, Vigo uedará nunha “posición ferroviaria estratéxica” e lembrou que “houbo algúns” que a deixaron fóra, en alusión a gobernos do PP.

Respecto diso, volveu denunciar que o PP na Xunta e no Goberno central deixou a cidade fóra das conexións coa Meseta e con Portugal. Naquel momento, incidiu, había un alcalde do BNG en Vigo (Lois Pérez Castrillo) que “vergonzosamente quedou calado”. “Se chego estar eu, monto unha lea que nos ouven”, proclamou.

Así, Caballero sinalou que haberá saída sur “en tempo e forma” e que tamén haberá conexión directa a Madrid por Cerdedo, que agora está en fase de estudo hidroxeolóxico, a pesar do atraso pola decisión do Executivo de Rajoy, co silencio de Feijóo na Xunta e do PP vigués.

P`RESIDENTE DA XUNTA

O presidente da Xunta, Alfonso Rueda, celebrou como unha “magnífica noticia” a aposta do Goberno de Portugal de impulsar a conexión por alta velocidade ferroviaria entre Porto e Vigo, polo que solicitou ao Executivo de Pedro Sánchez a mesma impliación.

“Estamos de parabéns”, respondeu o presidente galego este xoves, tras ser preguntado respecto diso. Segundo valorou, trátase dun anuncio de “prazos concretos” e con “firmeza”.

ÚLTIMAS

Feministas católicas sean este domingo ás rúas de Vigo para reclamar que as mulleres teñan “voz e voto” na Igrexa

Feministas católicas da Revolta de Mulleres na Igrexa sairán este domingo 3 de marzo ás...

Remolcan ao porto de Vigo ao portacontedores ‘MSC Katyanyi’

O portacontedores 'MSC Katyayni,', que navega baixo bandeira de Panamá, está a ser remolcado...

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...

Miguel Martín asume a portavocía do grupo municipal do PP en Vigo, tras a saída de Fernández-Tapias

O grupo municipal do PP no Concello de Vigo designou a Miguel Martín como...