A primeira edición do Ciclo Xacobeo Vigo, que se pechou o pasado fin de semana coa actuación de Mayumaná, reuniu no Auditorio Mar de Vigo unhas 6.000 persoas, segundo informaron fontes do propio Auditorio.

Por este ciclo, no que se combinaron actuacións no interior e na terraza do auditorio, pasaron grupos e artistas da talla de Texas, que esgotou as entradas varias semanas antes da súa actuación; ou o guitarrista Steve Vai.

Tamén formaron parte do cartel o multiinstrumentista bretón Yann Tiersen, os neozelandeses Fat Freddy’s Drop e os cubanos Cimafunk. O ciclo pechouse o pasado domingo con Mayumaná, que presentaron no Mar de Vigo o seu espectáculo ‘Currents’.