InicioSucesosSorprenden por quinta vez un septuaxenario vigués extraendo ameixa nunha zona con...

Sorprenden por quinta vez un septuaxenario vigués extraendo ameixa nunha zona con toxina

Estaba extraendo ilegamente o molusco na praia da Punta, nunha zona que se atopa pechada ao marisqueo.

PUBLICADO O

A Policía Local de Vigo identificou, por quinta vez no que vai de mes, a un veciño da cidade, M.A.M., de 77 anos de idade, extraendo ilegamente ameixa na praia da Punta, nunha zona que se atopa pechada ao marisqueo pola presenza de toxina paralizante.

Segundo informaron fontes policiais, os feitos ocorreron á primeira hora da tarde do pasado sábado, cando o 092 recibiu unha chamada alertando da presenza deste furtivo  reincidente nese areal da parroquia de Teis.

Nesa ocasión, ao verse descuberto polos vixiantes, o home abandonou a praia, pero a Policía estableceu un operativo de vixilancia e puido localizalo 10 minutos despois na mesma zona.

O home foi sorprendido extraendo ameixa cun utensilio para tal fin e unha bolsa de plástico, e interviñéronselle máis de 1,5 quilos de molusco.

Durante toda a intervención, o sospeitoso mostrou unha actitude axitada e agresiva cara ao garda rural, ao que increpou e ameazou. Os axentes elaboraron o correspondente informe para dar conta dos feitos á Consellería do Mar, co fin de tramitar o pertinente expediente sancionador.

Así mesmo, remitiuse informe por un suposto delito de ameazas graves e outro contra a saúde pública, xa que o home, a pesar de ser coñecedor de que a zona está afectada por toxina, non só seguiu extraendo ameixa senón que recoñeceu a súa intención de vendela.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...