InicioPolíticaFernández-Tapias presenta o seu proxecto para as municipais: "Unha cidade libre e...

Fernández-Tapias presenta o seu proxecto para as municipais: “Unha cidade libre e aberta sen imposicións”

Fernández-Tapias constata nerviosismo nas filas socialistas, como demostran as "faltas de respecto" de Abel Caballero

PUBLICADO O

- Advertisement -

A presidenta do PP de Vigo e candidata á Alcaldía, Marta Fernández-Tapias, presentou nas últimas horas o plan de acción do seu partido para os próximos meses, coa vista posta na cita electoral de maio de 2023, cando se celebrarán os comicios locais.

Así, informou á Xunta Local do PP vigués sobre a planificación e o traballo previsto de cara a esas eleccións, e lembrou que os órganos de dirección “traballan desde hai meses” na elaboración dun plan estratéxico que marcará as liñas para configurar “unha alternativa sólida” ao actual goberno local vigués, encabezado polo socialista Abel Caballero (que conta cunha máis que ampla maioría de 20 concelleiros, de 27 posibles).

Fernández-Tapias chamou aos seus a pór o foco nas políticas sociais, culturais, deportivas ou de mocidade, naqueles ámbitos nos que a xestión municipal actual é “claramente ineficiente”. “Debemos identificar ben as necesidades dos distintos colectivos e presentar propostas concretas para corrixir a actual desatención que sofren por parte do goberno local”, indicou e proclamou que hai que “escoitar para acertar”.

“NERVIOSISMO” NAS FILAS SOCIALISTAS

Segundo a líder do PP vigués, “nótase certo nerviosismo entre as filas socialistas, encabezadas polo alcalde”, tal e como pon de manifesto as “actitudes inaceptables e censurables” de Abel Caballero, con “intentos de veto” en actos públicos, “faltas de respecto” e “referencias machistas”. “O que debería facer o alcalde é pensar na cidade e deixar de pensar nas urnas”, sinalou.

Por outra banda, a candidata á Alcaldía de Vigo avanzou ante a Xunta Local algúns dos eixos sobre os que pivotarán as súas propostas para conseguir “unha cidade libre e aberta”, na que “non caiban imposicións”, reforzando a atención aos sectores produtivos, á innovación e o emprendimiento, e con especial apoio ás familias, os maiores e os mozos.

ÚLTIMAS

A auxiliar Akwel Vigo estima en cen os despidos dentro do ERE anunciado para setembro

A empresa auxiliar de automoción Akwel Vigo estima nun centenar os despedimentos no marco...

O PP de Vigo reclama retirar a Medalla da cidade a Pardo de Vera

O PP de Vigo volveu a pedir este mércores que se retire a Medalla...

Rescate aéreo dun mariñeiro enfermo a máis de 200 km da costa galega

O Servizo de Gardacostas de Galicia evacuou este martes ao tripulante dun palangreiro galego...

O BNG acusa a PSOE e PP de buscar a “morte por inanición” da Mancomunidade de Vigo

O BNG denunciou este mércores que PSOE e PP buscan "a morte por inanición"...