(Vídeo) Cellas rapadas, tatuaxes na cara: unha viaxe á moda ‘underground’ de Vigo

Un Youtuber adéntrase na escena viguesa aproveitando o Marisquiño.

Imaxe de Ou Marisquiño 2022.. Ou MARISQUIÑO


Por se os millóns depositados pola Xunta non foran dabondo, Galicia conta dende hai meses cunha lexión de Youtubers dedicados a cantar as alabanzas da súa terra e xente. Estes intrépidos viaxeiros adéntranse, cámara en man, nun mundo no que agardan atopar meigas e as vellas señoras do perenne vestido negro facendo a queimada en cada cruce de camiños –estradas non hai aínda–. Por iso moitos quedan sorprendidos tamén cando aprecian que á Comunidade chegou xa a luz eléctrica e outras modas do momento, como rapar as cellas ou facer tatuaxes na cara.

Iso se destila polo menos do vídeo do youtuber Misho Amoli, que decidiu pasar uns días do Festival do Marisquiño e, xa que estaba, foi mirando –non vendo– pola rúa adiante como vestía a xente desta terra da que só saen políticos do PP e algún que outro equipo de fútbol.

Para o recordo queda esta metraxe que capta as “vibras” da mocidade viguesa e unha chea de interlocutores que van amosando as súas vestimentas. “Está guapísimo”, responde o creador de contido a unha rapaza, entre outros. O das cellas rapadas –que non era un dicir– p´ódeno comprobar vdes. mesmos no vídeo.

DEIXAR UN COMENTARIO

Please enter your comment!
Please enter your name here