Un condutor atropelou un mozo esta madrugada de mércores, sobre as 3,15 horas, e deuse á fuga en Vigo, nun suceso ocorrido á altura do número 42 da avenida de Fragoso.

Segundo informa o 112 Galicia, un amigo do mozo chamou para alertar do atropelo. Outros particulares solicitaban a asistencia sanitaria para unha persoa que fora atropelada. Ademais, indicaban que o coche continuara a marcha.

Así mesmo, deuse aviso do suceso ao 061, axentes da Policía Local, Bombeiros e efectivos de Protección Civil de Vigo.