InicioSociedadeDetido un home de Vigo por agredir a súa parella diante da...

Detido un home de Vigo por agredir a súa parella diante da filla menor de idade

Unha dotación policial desprazouse ao lugar e entrevistouse coa muller, que relatou que tivera unha discusión co seu marido e que este lle propinou numerosas patadas.

PUBLICADO O

Axentes da Policía Local de Vigo detiveron un veciño da cidade, A.T.F., de 56 anos de idade, como presunto autor dun delito de violencia de xénero, tras agredir a súa parella en presenza da súa filla menor.

Segundo informou a Policía Local, os feitos ocorreron a pasada noite, cando o 092 recibiu a chamada dunha muller que alertaba de que o seu marido a estaba agredindo en presenza da súa filla de 7 anos de idade, no domicilio familiar da rúa Marqués de Valterra.

Unha dotación policial desprazouse ao lugar e entrevistouse coa muller, que relatou que tivera unha discusión co seu marido e que este lle propinou numerosas patadas. De feito, manifestou que se trasladaría polos seus propios medios a un centro médico para ser atendida das súas lesións.

No domicilio atopábase tamén o presunto autor dos feitos, que foi identificado e detido por un suposto delito de violencia de xénero.

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...