‘O poder da palabra. 40 anos do Parlamento de Galicia. 1981-2021’ é o título da exposición que conmemora o 40 aniversario da institución e que chegará a Vigo este xoves, día 30 de xuño, para repasar os feitos máis destacados do catro décadas de vida do Lexislativo galego, desde a súa constitución o 19 de decembro de 1981.
A mostra, que estivo aberta ao público en Santiago ata o pasado 15 de marzo, iniciou despois un percorrido polas cidades galegas, chegando este xoves a Vigo.
Comisariada polo catedrático de Historia Contemporánea da Universidade de Santiago de Compostela, Ramón Villares Paz, tamén contou coa colaboración de Miguel Anxo Seixas Seoane e GustavoHervella García, integrantes do Grupo HISTAGRA (Historia Agraria e Política do Mundo Rural, séculos XIX e XX), mentres que o deseño gráfico correu a cargo de Xosé Díaz Arias.
A exposición está integrada por 24 paneis, un vídeo divulgativo e 17 vitrinas con documentación histórica e bibliografía relacionada co proceso de configuración da autonomía de Galicia. En Vigo, estará aberta entre este xoves, inaugurándose ás 19,30 horas, e o próximo 27 de xullo na sala 1 da sede viguesa de Afundación.
