InicioEconomíaStellantis Vigo anuncia novos paros pola falta de aprovisionamentos

Stellantis Vigo anuncia novos paros pola falta de aprovisionamentos

O director da factoría, Ignacio Bueno, indica que a escaseza de microchips se estenderá ata polo menos o ano que vén.

PUBLICADO O

A factoría viguesa do grupo automobilístico Stellantis anunciou finalmente novos paros para os últimos días do mes de xuño ante a falta de aprovisionamento de determinadas pezas necesarias para a produción dos seus vehículos.

En concreto, a compañía informou de que será necesario cancelar a actividade do Sistema 1 da planta de Balaídos en todas as quendas os días 29 e 30 de xuño (mércores e xoves da semana que vén). A previsión é que esta liña, onde se montan os Peugeot 301 e 2008 e o Citroën C-Elysée, se reactive a partir do venres, 1 de xullo, na quenda das 06,00 horas.

Todo iso a pesar de que hai uns días Stellantis Vigo asegurase que o aprovisionamento de pezas que estaba en risco e que afectaría de cara a final deste mes mellorara, polo que anunciou que os días 30 de xuño e 1 de xullo serían laborables (nas previsións anteriores estaban marcados como días de parón). Con todo, isto volveu cambiar e agora parará o Sistema 1 os días 29 e 30 de xuño.

Esta mesma semana, o director da factoría, Ignacio Bueno, indicou tamén que a escaseza de microchips, un compoñente necesario para os modelos de Stellantis, se estenderá ata polo menos o ano que vén. Con todo, terá un “menor impacto” na produción que en meses anteriores.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...

O cadáver da muller achada nunha maleta presenta unha puñalada e aínda non puido ser identificada

A autopsia realizada ao cadáver da muller achada dentro dunha maleta nunha leira abandonada...