InicioPolíticaO BNG denuncia o "abandono" da conexión ferroviaria entre Vigo e O...

O BNG denuncia o “abandono” da conexión ferroviaria entre Vigo e O Porto

Os nacionalistas manterán a súa ofensiva para axilizar este tren e impulsar o Corredor Atlántico con iniciativas tanto no Congreso como no Parlamento Europeo e no Concello de Vigo.

PUBLICADO O

- Advertisement -

A portavoz do BNG en Europa, Ana Miranda, subliñou este venres a importancia de mellorar a conexión ferroviaria entre Vigo e O Porto ao ser “prioritaria” para a cidade e para toda Galicia, polo que lamentou o “abandono permanente” e a “discriminación” que durante “máis de 20 anos” sufriu este tramo.

Así o sinalou Miranda en declaracións aos medios de comunicación durante unha visita á terminal de Guixar da urbe olívica, onde estivo acompañada polo concelleiro do Bloque, Xabier P. Igrexas.

A nacionalista destacou a aposta do Goberno portugués por mellorar a vía entre O Porto e a fronteira española, polo que pediu tanto ao Goberno de España como ao Parlamento Europeo que reflictan nos seus respectivos orzamentos partidas para modernizar este tramo. “Temos unha conexión do século XIX e non do século XXI”, engadiu.

Para ela, é “imprescindible” que Vigo e Portugal estean unidas tanto por razóns económicas como turísticas e de tránsito de persoas e criticou o “abandono permanente” e a “discriminación” sufrida nesta liña desde hai 20 anos e que na actualidade conta só cun traxecto de ida e outro de volta diario.

Ademais, indicou que este tren tarda máis de dúas horas e 20 minutos en realizar un traxecto que rolda os 150 quilómetros, xa que hai zonas nas que os convois teñen que circular a 80 quilómetros por hora. “Esta reivindicación histórica de 20 anos de discriminación é nestes momentos prioritaria en materia de mobilidade”, sentenciou Miranda.

Na mesma liña falou Xabier P. Igrexas, quen tachou de “absolutamente insuficiente” a conexión ferroviaria entre Vigo e O Porto, a cal é á súa vez “estratéxica” para a cidade, para o conxunto da súa área e para Galicia. “Falamos dunha situación onde a conexión por tren tarda 45 minutos máis que a conexión por estrada, o que evidencia a situación de abandono e arcaica desta conexión”, criticou.

Por todo iso, o BNG manterá a súa ofensiva para axilizar esta conexión ferroviaria e impulsar o Corredor Atlántico con iniciativas tanto no Congreso como no Parlamento Europeo e no Concello de Vigo.

ÚLTIMAS

Caballero “tende a man” a Rueda e pide un encontro

O alcalde de Vigo, Abel Caballero, pediu un encontro co presidente da Xunta, Alfonso Rueda, para...

O Concello media coa compañía eléctrica para que reactive a luz á familia do Calvario con dous fillos menores

Os servizos sociais do Concello de Vigo mediaron coa compañía eléctrica para solicitar a reactivación da...

(Vídeo) A Confederación Hidrográfica investiga o vertido da cidade deportiva do Celta tras a denuncia de Ecoloxistas en Acción

Este martes, representantes de Ecoloxistas en Acción, xunto con membros das traídas de auga...

A atleta viguesa Susana Rodríguez, unha das nove “Barbie” que homenaxean a deportistas

'Mattel' anunciou este mércores o lanzamento de nove bonecas exclusivas 'Barbie' coas que renderá homenaxe a nove deportistas de...