InicioEconomíaPosible folga indefinida en Vitrasa tras o "fracaso" do período de mediación

Posible folga indefinida en Vitrasa tras o “fracaso” do período de mediación

CC.OO. indicou que continúa á espera de reunirse co alcalde, Abel Caballero, para expor "todas as irregularidades deste proceso".

PUBLICADO O

Sindicatos anunciaron este martes posibles mobilizacións e folga de traballadores da concesionaria do transporte público de Vigo, Vitrasa, tras o “fracaso” do período de mediación, que terminou a semana pasada.

Nun comunicado, Comisións Obreiras explicou que este sábado, día 7 de maio, terá lugar unha asemblea convocada polo comité de empresa onde se espera o apoio maioritario do persoal para afrontar as distintas mobilizacións e a folga, que apoian todas as organizacións sindicais con representación na compañía.

CC.OO. indicou que continúa á espera de reunirse co alcalde, Abel Caballero, para expor “todas as irregularidades deste proceso”. Para o sindicato, a dirección de Vitrasa quere responsabilizar os traballadores dunha “deficiente xestión dos recursos”, polo que a cidadanía de Vigo sufrirá os “danos colaterais”, xa que o servizo empeorará nos próximos meses froito do conflito.

“Non imos permitir que o persoal de Vitrasa sexa o que pague unha mala xestión da empresa”, reivindicou Comisione Obreiras.

Pola súa banda, o presidente do comité de empresa de Vitasa, Imanol Arnoso (CIG), informou a Europa Press de que este sábado se abordará a posibilidade dunha folga indefinida contra as pretensións da dirección de non aplicar o convenio colectivo e rebaixar os soldos un 30% no que queda de ano e un 14% o ano que vén.

ÚLTIMAS

A triatleta Susana Rodríguez,  Premio Reina Letizia do Deporte

A triatleta paralímpica viguesa Susana Rodríguez Gacio recolleu onte o Premio Reina Letizia, dentro...

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...