InicioVigo e contornaVigoA crise dos microchips deixa a Stellantis en paro case total

A crise dos microchips deixa a Stellantis en paro case total

Prevén retomar a actividade no luns vindeiro.

PUBLICADO O

A factoría viguesa do grupo automobilístico Stellantis anunciou a suspensión de practicamente toda a súa actividade este fin de semana por “causa de forza maior” a consecuencia da falta de aprovisionamento de certos compoñentes. Tal como indicaron fontes da empresa, a quenda de fin de semana do Sistema 1 da fábrica de Balaídos non operará nin o vindeiro sábado, día 19 de febreiro, nin o domingo 20, mentres que no Sistema 2 foi suspendida a actividade do sábado 19 e da noite do domingo.

Todo iso debido á crise dos microchips, que afecta a todo o sector automobilístico e motivou varios paróns na factoría de Balaídos nos últimos meses. Stellantis Vigo explicou que prevé que a actividade se retome no Sistema 1 o vindeiro luns na quenda das 06,00 horas da mañá, como xa se informou previamente.

E é que a firma anunciou o pasado martes que a liña 1 das súas instalacións en Vigo (que monta o Peugeot 301, o Peugeot 2008 e o Citroën C-Elysée) estaría parada durante toda a semana ata o vindeiro luns, día 21 de febreiro. Con todo, deixara no aire se a quenda de fin de semana estaría operativo ou non.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...