InicioEconomíaPensionistas e xubilados protestan en Vigo contra os "abusos" das entidades financeiras

Pensionistas e xubilados protestan en Vigo contra os “abusos” das entidades financeiras

Reclaman unha "atención bancaria digna".

PUBLICADO O

- Advertisement -

Xubilados e pensionistas concentráronse este martes, convocados pola CIG, para reclamar unha “atención bancaria digna” e para denunciar os “abusos” das entidades financeiras.

O sindicato nacionalista criticou a “discriminación” que os bancos exercen con respecto ás persoas maiores, especialmente en zonas rurais, xa que “fían todo á banca electrónica” e obstaculizan a estes clientes poder facer as súas xestións.

A protesta tivo lugar no cruzamento das rúas Colón e Policarpo Sanz en Vigo, onde se concentran un gran número de sedes de entidades bancarias, e onde se deu lectura a un comunicado para denunciar o “descontrolado e insolidario afán de xerar beneficios a conta do que sexa”.

Entre as medidas que criticaron está a imposición da relación informática no trato cos clientes, a redución de horarios de atención presencial, o peche de oficinas ou a falta de persoal. Todo iso, criticou a CIG, sen ter en conta as repercusións nos persoais e na atención aos clientes, e sen deixar de cobrar “comisións abusivas”.

Así, a central nacionalista cualificou esta situación de “proceso antisocial”, agudizado nas zonas rurais, “onde o peche de sucursais está moi avanzado”, sen que nin Xunta nin Goberno central “tomen cartas no asunto para impedir a desatención financeira” en zonas onde hai un elevado número de persoas maiores con dificultades para desenvolverse no medio telemático.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...